الأحد، مارس 23، 2008

ليه مصر كلها ما تكنش "المنتزه"!؟


هذه صورة قديمة أخذتها أثناء رحلة مع أصدقاء إلى مدينة الأسكندرية المصرية، والصورة داخل حدائق المنتزه. كانت الفكرة التي دائما ما تلح علينا ونعبر عنها لبعضنا البعض هي: ليه مصر كلها ما تبقاش كده! لماذا لا تكون معظم شوارعنا جميلة، ما الصعب في ذلك؟ ولماذا لا يشعر المصري أن الجمال حق له، يدفع غيابه إلى الثورة أو الرفض أو الاعتراض، تماماً مثل صعوبة الحصول على الرغيف وغلاء الطعام؟ إن الحياة في جمال لها أثر إيجابي لا شك فيه على نوعية حياة الناس. بالنسبة لي -كما ذكرت من قبل- كان هذا أحد أسباب الهجرة خارج مصر: باحثاً عن الجمال! الجمال في الحياة اليومية، في الشارع العادي وليس في معاقل الأثرياء وأحياءهم المعزولة. شباب مصر المعاصر الذي يقضي الساعات على الانترنت سوف لا يقبل القبح واقعاً يومياً، وسوف يعتبر الجمال حقاً يجب علينا أن نطلبه وندفع عنه اللصوص والمهملين، وأشباه المسؤلين!

هناك 4 تعليقات:

MerMaid يقول...

وحشتني وحشتني وحشتني وحشتني

هههههههههههههه

انت فيـــــــــــن؟؟؟؟؟؟

بجد والله انا مقصرة في السؤال عنك بس فعلا كنت مشغولة الفترة اللي فاتت
----------
قريت البوستات اللي فاتت
حلوة قوي حكاية علم محبوب في بلده و ده نفس اللي بلاحظه في الافلام والمسلسلات
و كمان لما كنت هناك
و شفت اليفط الصغيرة اللي بيحطوها علي واغجهة الجنينة او يعلقوها بحاجة بسيطة
يفطة شيك وحجمها معقول للتعبير عن راي او تشجيع لمنتخب معين في اي انتخابات
لكن هنا الحتة القماش لازم تتعلق بعرض الشارع

سييبك انت

يا بختك هناك

ربنا يوفقك

ياااااااارب

------------------------
سلمللي علي اخوك كتير جدا يا محمد
وعلي قرينتي برج العقرب وانت عارفها

تحياتي ليـــــك يا صديقي العزيــــــــــز

Nsreen Bsunee يقول...

اسكندريه جميله اوى
:(


احلى من امريكا واحلى من اى حته فى الدنيا

Mohamed Shedou محمد شدو يقول...

ازيك يا هاجر
انتي كنتي فين؟
اوعي تكوني جيتي بلدك الأم في زيارة سريعة من غير ما اعرف ولا حاجة
:)

فعلا يفط التعبير عن الرأي في الانتخابات نفسي ابقى اصورها مرة
وفيه هنا يفط كتير ضد بوش زي دي الناس حطاها على طول يعني مش في الانتخابات بس
بتقول مثلا بوش لازم يمشي
او أوقفوا بوش

Mohamed Shedou محمد شدو يقول...

ازيك يا نسرين

طبعا الاسكندرية جميلة وكل حاجة
بس مش اجمل مدينة في الدنيا ابدا وبتاتا
:)
انتي بس عشان بتحبي مدينتك
لكن انا راجل محايد ما يهمنيش مدينتي ولا مش مدينتي
فيه حتت كتييير جميلة جدا
بس مصر عندها انيميا في الجمال
!!

تابع جديد المدونة على بريدك الالكتروني

أرشيف المدونة

مرحباً بالزائرين