الجمعة، يناير 18، 2008

شرح التدوينة

في التدوينة قبل السابقة كتبت صياغة شخصية لحكمة قديمة، جاءت إلى ذهني في معرض حديث لي مع نفسي، وكنا نتحاور ونفكر، كيف نربيها وننقيها من أشياء فيها. فقد أتعبتني زمناً طويلا، وأعاشتني عمراً عليلا. ومن مساوءها كذلك أن جعلتني كسولا، وأنا أحب أن أكون فاعلاً في الحياة لا مفعولا!

المهم أنني في هذا الحديث قلت لها هذه الحكمة: افعل ما تكره، يفعل بك ما تحب! ولم يفهمها بعض من قرأها من الأصدقاء، فوعدت بالشرح والتبيان. وها أنا أفي بالوعد، أعاننا الله على الوفاء ببقية الوعود، وإتمام كل ما كان وما يكون من العهود!

أما المعنى القديم فهو ببساطة مخالفة الهوى. فأنت إن خالفت هواك الذي يميل للراحة حين يلزم الجهد، وللنسيان حين يجمل التذكر، رأيت في حياتك من بعد ما تحب. فأنت تفعل ما تكره مؤقتاً وتغالب هواك لكي تفعل التي هي أحسن، فيفعل الله الخير لك وبك. وهكذا قلت لي وأنا أذكرني: افعل ما تكره، يفعل بك الله ما تحب!

وإن كان غيري قد رأى فيما قلت معنى آخر فلا بأس. فإن العقل يضع في كل شيء من ذاته، من خبراته وخطراته. والعقول المختلفة إذا اجتمعت على شيء واحد ولدت منه وجوهاً كثيرة ومنافع غزيرة!

هناك 10 تعليقات:

Rain_Drops يقول...

بالضبط زي ما فهمتها ، و اللي كنت أقصده بإني مجربها هو دراستي للطب ، لإنها رغم كون الطريقة اللي بندرس بيها بشعة جدا و بتعتمد على حشو كم معلومات رهيييب مش هنحتاج معظمه و دا شيء فوق احتمال واحد مسطول و عنده زهايمر زيي بس كنت عقدت العزم إني أظهر بعض الجلد و الصبر إذا كنت ممكن أفيد الناس في الآخر ، و دلوقتي و أنا مقرب أخلع منها الحمد لله ربنا مسهل لي الأمور قوي و حتى بدأت أحس بحب لمذاكرة المواد ، غريبة مش كدا !.؟

MerMaid يقول...

اشكرك يا محمد علي التوضيح
انا فعلا فضلت اقول مش عارفة افهمها ممكن يكون محمد كاتبها غلط؟؟
بس بجد حكمة جميلة جدا
تحياتي و اشكرك علي التوضيح
:)

Unknown يقول...

محمد
انا عاوزه اقولك حاجه
انا يمكن كنت فاهمه الجمله قبل التوضيح
بعد التوضيح اتلخبط
بس اعتقد ان فى معنى معين وصلنى

Mohamed Shedou محمد شدو يقول...

محمود باشا

انا عارف انك فاهمني
:)

عموما مش غريبة ولا حاجة
الواحد لما بيجاهد نفسه عشان يعمل الصح بيعاني في الاول
وبعدين تيجي الثمرة على شكل استمتاع بالفعل ذاته

يا ريتني كنت عملت كده ايام المذاكرة
اصلي كنت طالب كسلان
وليا حكايات عجيبة ايام الدراية
هبقى احكي منها شوية ان شاء الله

المهم انا عبقى اعوز اعرف من السادة شباب الاطباء ايه منهج دراسة الطب في مصر
بس على السريع كده
هل فيه دراسة تغذية؟
تأثير التغذية على صحة الانسان وكده؟
وكمان عاوز اعرف
نسبة دراسة الادوية ومفعولها واثارها الجانبية وكده تعتبر كام في الميه من منهج الطب؟

Mohamed Shedou محمد شدو يقول...

mermaid

لا شكر على واجب
:)
وسعيد انها عجبتك

Mohamed Shedou محمد شدو يقول...

لماضة

انتي كنتي فاهماها قبل التوضيح بس بمعنى غير اللي انا قصدته على ما اظن

بس انا ما كنتش اتصور ان توضيحي هيلخبطك اكتر وهيخلي المعنى مش واضح برضه

طيب قوليلي ايه المعنى اللي بتقولي انه وصلك حتى الان؟

Unknown يقول...

المعنى اى وصلنى الرضا بما كتبه الله لك
وليس محاربة الهوى

Mohamed Shedou محمد شدو يقول...

لماضة

هو الرضا برضه داخل في الموضوع بطريقة غير مباشرة شوية

لان الرضا معناه ان الانسان يتقبل ظروفه الحالية ويعمل الل عليه سواء أحبه أو كرهه

يبقى الواحد يعمل ما يكره ويخالف هواه لعمل الصح لانه راض
ونتيجة كده دايما انه يجد ما يحب بعد كده

غير معرف يقول...

شكرا جدا
حكمة جميلة
وجت في وقتها

Mohamed Shedou محمد شدو يقول...

شكرا يا أحمد

والحمد لله انها جات في وقتها

تابع جديد المدونة على بريدك الالكتروني

أرشيف المدونة

مرحباً بالزائرين