السبت، يناير 19، 2008

وعــي

ليتنا نذكرك في كل نعمة، ونذكر أخطاءنا في كل شقاء

هناك 12 تعليقًا:

Rain_Drops يقول...

جميلة يا محمد ، احنا كدا ممكن نسميك : النبي العربي في أمريكا

بالنسبة لدراسة التغذية ف موجود يا باشا كتاب اسمه Nutrition تبع طب المجتمع في سنة 4 و هو كتاب لا بأس بيه
الأدوية و آثارها الجانبية كانت في مادة اسمها الفارماكولوجي في سنة 3

اوعى تفتكر يابني إن فيه حاجة في الدنيا نسو يحطوهالنا عيب عليك

Rain_Drops يقول...

شوف الأغنية دي يا حمادة كلماتها هتفاجأك
http://82.209.183.6/M/Wust_El_Balad/Wust_El_Balad/Nogomi.com_Wust_El-Balad-Shams_El_Nahar.mp3
مش هتسمع كلام الحب المريض اللي كنت بتشتكي منها في الأغاني العربي يا عم إنريكو ماسياس

Biznscheya يقول...

رائع!

أتوقع أن الكلام موجّه لله عزّ وجل؟

جعلنا الله و إياكم من الذاكرين، و القريبين من الله ..

Mohamed Shedou محمد شدو يقول...

محمود

شكرا على المعلومات يا باشا
بس كتاب تغذية واحد مش كفاية اساسا
عموما لازم ان شاء الله ابقى اعرف المنهج كله بالتفصيل
عشان اما بقى رئيس بقى انت فاهم
:)

حملت الاغنية بس دي اخدت وقت طويل قوي في التحميل
السيرفر شكله كان تعبان
واضح ان بقى فيه محاولات حلوة للخروج من اسطمبات اغانى الحب اللي جابت الشباب لورا
!!

وفيه طبعا حاجات فردية كدا جميلة
عندك مثلا اغاني مقدمة ونهاية مسلسل الوسية
كلمات رائعة

Mohamed Shedou محمد شدو يقول...

مي

أشكرك
:)

والكلام طبعا واضح هو موجه لمين
ولو انا كنت موجهه لحد تاني اساسا ابقى مجنون
!!

واهلا بيكي في المدونة

لماضة يقول...

على فكره يا محمد انت لمض شاطر اوى
:)
تحياتى

Mohamed Shedou محمد شدو يقول...

لماضة

اول مرة اعرف اني لمض
:)

بس يا ترى ايه هو تعريف اللماضة؟

MerMaid يقول...

ماشاء الله عليك

بجد لو انسان تذكر اخطاؤه في كل شقلء لعلم ان اللي بيمر بيه ده بسبب افعاله هو و بسبب ظلمه هو لنفسه

يقول تعالي
و ما ظلمناهم و لكن كانوا انفسهم يظلمون

تحياتي

منور دايما يا محمد
:))

Nsreen Bsunee يقول...

للاسف مش باعمل كده واول مابكون مبسوطه باتلهى عن ذكر الله ولما بتحصللى حاجه وحشه بالجأله وبافتكره وبادعيله وباذكره ليل نهار
انا مش منافقه لكن مش عارفه مالى
حاحاول اتغير

Mohamed Shedou محمد شدو يقول...

اهلا يا هاجر
:)

وطبعا الانسان هو المسؤل عن شقائه الشخصي بسبب افعاله
وده ينطبق على الافراد وعلى المجتمعات
ودي بداية اي اصلاح
لكن طول ما الناس مش بتشوف انها سبب المشكلة
وتقول المشكلة بسبب حد تاني عمل فيا
او دولة تانية تآمرت عليا
هتكون النتيجة زي الواقع اللي بلادنا عايشاه دلوقتي كده
!

Mohamed Shedou محمد شدو يقول...

نسرين

الانسان كده يا نسرين
احنا ما اتخلقناش عشان نكون كاملين من الاول
لكن ربنا اعطى الانسان عمر وسنين لانه في رحلة تعلم ونظر في النفس واصلاح لها
البداية بس هي الفهم
اننا نعرف فين قصورنا
ونعرف ان الخير اللي احنا عايشين فيه احنا اساسا مالناش قدرة اننا نخلقه لنفسنا
وبالتالي نفهم مين الاحق بالشكر على هذا الخير
وبعدين نفهم كمان ان مشاكلنا من افعالنا
الفهم ده هو البداية
مش لازم نعمل بيه فورا او طول الوقت
المهم يبقى موجود الاول
وواحدة واحدة ممكن نحسن نفسنا

غير معرف يقول...

رااااااااااااائعه.

تابع جديد المدونة على بريدك الالكتروني

أرشيف المدونة

مرحباً بالزائرين