الأحد، ديسمبر 25، 2005

الجامعة للجميع



هذه صورة التقطتها منذ حوالي شهرين داخل جامعة كورنيل في مدينة إثاكا. الجامعة مفتوحة للجميع، يعني لن تجد على أبوابها حرساً يسألونك عن الكارنيه أو عن أي شيء، فلا يوجد بوابة أساساً أو حرس على أي من مداخل الجامعة المتعددة. الجامعة الواسعة نموذجاً للجمال، ومكان الصورة أحد المواقع الأثيرة عندي لقضاء وقت في الطبيعة التي لم تخربها يد الإنسان بل أظهرت جمالها أكثر.

هناك 8 تعليقات:

sph1nx يقول...

ياعم ماتخلنيش اتحسر زيادة و كنت عايز اسألك انت بتدرس ايه و ياريت اشوفك في البلوج بتاعي

Mohamed Shedou محمد شدو يقول...

مرحبا بك يا سفنكس
اولا انا لا أدرس هنا أي شيء، ولكني أعيش على بعد دقائق من الجامعة
والحقيقة انت طلعت في دماغي اني ممكن اعمل تدوينة كاملة احط فيها كام صورة من أماكن مختلفة من الجامعة كتحقيق صغير بالصور تشوفوا من خلاله جامعة أمريكية من جوه .. وبالمرة عشان الجامعات المصرية تتكسف من نفسها وطبعا مع الشكل هنالك الجانب العلمي للجامعة، فالجامعات المصرية ليس لها موقع على خريطة الجامعات المصرية .. والفرصة قد حانت حين اقترح أحمد زويل جامعة على أحدث مستوى ولكنه لم يجد التمويل الكافي، وكل ما حدث أن رئيس مصر راح حط الطوبة بتاع الجامعة الجديدة اللي ما بقتش جديدة ولا قديمة حتى لانها ماتعملتش اساسا

sph1nx يقول...

ازاي انت مابتدرس امال بتعمل ايه.. على العموم بالنسبة للجامعات المصرية و انا من روادها و المكتويين بنارها بقالي 6 سنين اهه و لكن انا ليه و جهة نظر في الموضوع ده انا لا عليز انشطة و لا مناظر جميلة في الجامعة انا كل اللي عايزه تعليم نضيف بدل ما الدكاترة بيدخلو يحششو نص ساعة و يمشو ده اذا جم من اصلو على الرغم من تمييزهم عن غيرهم بامتيازات مالية و اجتماعية مقابل التدريس للطلبة و هو مالايفعلونه للاسف بس انا كنت عايز اعرف انت في امريكا و لا ايه لأن الجامعات الكبيرة اوي دي - على حد علمي - مابتبقاش الى هناك

Mohamed Shedou محمد شدو يقول...

يعني هو لازم اللي موجود في امريكا يبقى بدرس يعني؟ :) انت عارف ان دي بلد مهاجرين .. يبقى انا "المهاجر" :)وانا قاعد في امريكا في الشمال خالص والمدينة الصغيرة اللي انا فيها فيها الجامعة دي وهي جامعة عريقة ومن اكبر جامعات امريكا في المستوى العلمي .. يعني مش بس جمال ظاهري .. وانا قابلت
طلبة مثلا في الكليات الهندسية عملوا طيارة حقيقية بتطير من غير طيار في مشروع التخرج بتاعهم :) يعني ده مثل على اللي ممكن يتم انجازه فيها.. بس يا ترى انت بتدرس ايه؟

sph1nx يقول...

معلش ياعم كل الموضوع اني متعود ان اللي في امريكا رايح يدرس و كان المفروض اشوف الويب سايت بتاعك ابل ما اعلق علشان فيه اجابات كل اسألتي .. اما بالنسبة لى انا بدرس طب هنا و طبعا كعادة الطلبة المصريين لا اتلقى تعليما يذكر وكنت عايز اسألك هو سهل ان الواحد يهاجر للولايات و لا ايه انا كان عندي كام سؤال عن الموضوع لو فيه امكانية انك تجاوبنى هكون شاكر جدا

Mohamed Shedou محمد شدو يقول...

طبعا اجاوبك على اي سؤال اعرف اجابته على الرحب والسعة

وعشان عموم الفائدة :) هعمل بوست جديد عن الموضوع ده اقول اللي اعرفه ونصايحي للي بيفكروا في الهجرة

النهاردة ان شاء الله هكتبه بس انت ممكن تلاقيه بكره بتوقيتك

Mohamed Shedou محمد شدو يقول...

ما تنساش برضه تبعتلي اسئلتك

sph1nx يقول...

اكيد و شكرا ليك

تابع جديد المدونة على بريدك الالكتروني

أرشيف المدونة

مرحباً بالزائرين